FUNI er tvíeykið Bára Grímsdóttir og Chris Foster, sem hófu samstarf árið 2001. Síðan hafa þau keppst við að blása lífi í íslenska þjóðlagatónlist sem hefur leynst í gömlum upptökum og lítt þekktum bókum og handritum, auk þess sem þau hafa bætt við nýjum lögum í þjóðlegum stíl. Flest laganna voru sungin án nokkurs undirleiks áður fyrr en FUNI bætir hljóðfæraleiknum við og notar gítar, kantele og langspil, Þau flytja kvæðalög, tvísöngslög, sálma og enskar ballöður, útsetja allt sjálf og hafa haldið námskeið og komið fram á ýmsum hátíðum og tónleikum, einnig í útvarpi, hér heima og víða í Evrópu, Norður-Ameríku og Kína.

Bára Grímsdóttir, söng- og kvæðakona, er einn virtasti flytjandi íslenskra þjóðlaga og nýtur einnig mikillar virðingar sem tónskáld. Hún ólst upp við söng og kveðskap, heyrði og lærði, allt frá barnæsku, kveðskap foreldra sinna og afa og ömmu í Grímstungu í Vatnsdal.

Bára hefur lengi fengist við flutning á kvæðalögum og margs konar íslenskri þjóðlagatónlist, bæði veraldlegri og trúarlegri. Hún hefur unnið með ýmsum kvæðamönnum og tónlistarfólki og sem tónskáld og útsetjari hefur Bára iðulega nýtt sér íslensk þjóðlög sem uppsprettu eigin sköpunar.

Chris Foster ólst upp í Somerset á Suðvestur-Englandi, þar sem hann kynntist fyrst þjóðlögum og hóf tónlistarferil sinn. Hann er tvímælalaust frábær flytjandi enskrar þjóðlagatónlistar. Síðastliðin 40 ár hefur Chris haldið ótal tónleika á Bretlandseyjum, en einnig farið í tónleikaferðir víðsvegar um Evrópu, Bandaríkin og Kanada. Hann hefur gefið út sex plötur með eigin söng og gítarundirleik en einnig tekið þátt í mörgum samstarfsverkefnum.

Lifandi tónlistarflutningur Chris einkennist af kraftmiklum söng og góðum gítarleik, sem styrkist enn frekar af fágaðri fyndni hans og eldmóði. Með þessu tekst honum að draga áheyrendur sína inn í sagnaheiminn sem hann skapar með söngvunum.

Bára og Chris verða með tónleika í gömlu Stykkishólmskirkju við Aðalgötu laugardaginn 13. júlí kl. 16.30 í tengslum við Þjóðbúningadag Norska hússins – Byggðasafns Snæfellinga og Hnappdæla.

Tóndæmi og ýmsan fróðleik er að finna á:  http://www.funi-iceland.com

Björn Thoroddsen gítarleikari hefur sl. 30 ár verið einn af atkvæðamestu jazztónlistarmönnum Íslands og hefur hlotið ýmsar viðurkenningar á ferli sínum. Hann var m.a. fyrstur íslenskra gítarleikara að hlotnast sá heiður að vera útnefndur „

Jazztónlistarmaður ársins“ árið 2003 og var valinn „Bæjarlistamaður Garðabæjar“ árið 2002. Björn sæmdur gullmerki FÍH fyrir framlag sitt til jazztónlistar. Björn hefur ásamt því að vera í forsvari fyrir Guitar Islancio leikið með fjölda þekktra erlendra tónlistarmanna.

Á síðustu misserum hefur Björn verið að koma sér inn í alþjóðlegu gítarhringiðuna með því að leika með listamönnum á borð við Philip Catherine, Tommy Emmanuel, Leni Stern, Kazumi Watanabe ásamt því að stjórna sinni eigin gítarhátíð á Íslandi semog gítarhátíðum í Kanada og Noregi.

Björn verður með óvenjulegra tónleika í Stykkishólmskirkju, fimmtudagskvöldið 11. júlí. Á tónleikunum sýnir Björn á sér nýjar hliðar en hann kemur fram aleinn og óstuddur án aðstoðarmanna og spilar flest annað en djass. Tónleikarnir hefjast kl.20.
Á tónleikunum heyrist rokk, country, blús, popp og jafnvel þungarokk, enda ræður Bjössi við alla tónlistarstíla. Tónleikagestir munu heyra lög úr smiðju Deep Purple, AC/DC, Police, Who, Bítlana og fleiri.

Myndbönd af Birni:

http://www.youtube.com/watch?v=DbmTwlwpX54

http://www.youtube.com/watch?v=XJHM0FklS94

Bach hljómar á Klaisorgelið á morgun þegar Lára Bryndís Eggertsdóttir leikur úr Clavierübung III kl. 16 í Stykkishólmskirkju. Allir velkomnir. Aðgangseyrir aðeins 1200 kr. Posi við innganginn.

Á tímum J.S. Bach var ekki óalgengt að tónskáld settu saman söfn tónverka sem þeir nefndu „hljómborðsæfingar“. Eftir Bach liggja fjögur slík söfn. Fyrsta (sex partítur BWV 825-830), annað (ítalski konsertinn BWV 971 og franskur forleikur BWV 831) og fjórða (Goldberg tilbrigðin BWV 988) voru ætluð fyrir hljómborð í víðasta barokk-skilningi þess hugtaks, þ.e. clavichord, sembal, orgel eða hvað sem fyrir varð. Þriðja safnið, útgefið 1739, var hins vegar sérstaklega ætlað fyrir orgel. Það samanstendur af prelúdíu, 21 sálmforleik, fjórum dúettum og fúgu, og gengur einnig undir nafninu „Þýsk orgelmessa“. Tveir sálmforleikir eru um hvern sálm, einn fyrir stórt orgel og annar einfaldari („alio modo“) fyrir minna orgel. Um dýrðarsönginn Allein Gott in der Höhe sei Ehr eru þó þrír sálmforleikir, til dýrðar heilagri þrenningu. Verkið í heild tekur hátt í tvo tíma í flutningi, en á tónleikunum í dag hljóma prelúdían og fúgan ásamt fimm sálmforleikjum.

Clavierübung III / German Organ Mass

The title „Clavierübung“ was a common title for a collection of keyboard music during the baroque period. J.S. Bach published four such collections, of which only the third (published in 1739) is specified as being intended for the organ. It consists of a grand opening prelude in E flat major, 21 chorale preludes on the Lutheran mass and catechism hymns, 4 duets for the manuals, and a triple fugue in E flat major.

Fimmtudaginn 27. júní kl. 20 leikur Sveinn Arnar Sæmundsson organisti Akranesskirkju og bæjarlistamaður Akraness 2012 á Klais orgel Stykkishólmskirkju.  Óhætt er að segja að efnisskráin sé mjög fjölbreytt og jafnvel óhefðbundin. Tónlist eftir Procul Harum, Coldplay og Bach er m.a að finna á efnisskránni.

Breyting! Þriðjudaginn 2. júlí falla niður tónleikar Douglas Brotchie af óviðráðanlegum orsökum.

Stykkishólmskirkja sem arkitektinn Jón Haraldsson teiknaði var vígð árið 1990 og þótti mikið mannvirki í bæjarfélagi með innan við 1500 íbúa. Í Stykkishólmi hefur verið öflugt menningar- og tónlistarlíf í áratugi. Þegar Stykkishólmskirkja var vígð flutti forláta Steinway flygill sem Jónas Ingimundarson valdi en bæjarbúar söfnuðu fyrir, úr félagsheimilinu í kirkjuna til frambúðar. Orgel kom í kirkjuna úr gömlu kirkjunni í Stykkishólmi sem sérsmíðað hafði verið fyrir hana á sínum tíma. Í janúar kom svo 22 radda glæsilegt Klais orgel í Stykkishólmskirkju annað tveggja Klais orgela á Íslandi, hitt verandi í Hallgrímskirkju í Reykjavík. Enn og aftur söfnuðu bæjarbúar fé til orgelkaupanna. Við vígslu orgelsins árið 2012 var stofnað Listvinafélag Stykkishólmskirkju sem tók við umsjón tónleikahalds í kirkjunni og hefur það á stefnuskránni að auka menningarlíf í kirkjunni. Síðustu tvo áratugi hafa verið haldnir sumartónleikar í Stykkishólmskirkju enda hljómfögur kirkja með fyrsta flokks hljóðfærum til tónlistarflutnings. Margir ungir og upprennandi íslenskir og erlendir tónlistarmenn hafa komið fram í Stykkishólmskirkju og margir oftar en einu sinni. Árið 2012 var hleypt af stokkunum sérstökum tónleikum innan sumartónleikaraðarinnar Orgelstykki og voru á tveimur vikum haldnir 6 tónleikar undir merkjum Orgelstykkjanna. Þar komu fram íslenskir organistar einir eða með fleiri tónlistarmenn með í för með efnisskrá að eigin vali. Úr varð vel heppnuð blanda og fjölbreyttir tónleikar. Í ár verður haldið áfram með enn fleiri orgelstykki með tónlistarmönnum sem eru að reyna Klaisorgelið í fyrsta sinn. Aðrir tónleikar verða samhliða orgelstykkjunum og verður fjölbreytt tónlist í boði, sem endranær. Björn Thoroddsen, Sunna Gunnlaugs, Lars Janson og Sigurður Flosason eru stór nöfn í alþjóðlegu samhengi djassheima og þau munu öll leika á tónleikum í Stykkishólmskirkju í sumar. Bára Grímsdóttir og Chris Foster verða á þjóðlegum nótum með gömlu íslensku hljóðfærin í bland við nýrri og koma fram í gömlu friðuðu kirkjunni í Stykkishólmi í tengslum við árlegan Þjóðbúningadag sem haldinn er í Norska húsinu – byggðasafni Snæfellinga og Hnappdæla.

Næstu tónleikar í Stykkishólmskirkju:

24. júní kl. 20 – Orgelstykki: Friðrik Vignir Stefánsson

27. júní kl. 20 – Orgelstykki: Sveinn Arnar Sæmundsson

29.júní kl. 16 – Orgelstykki: Örn Magnússon & Marta Guðrún Halldórsdóttir

2. júlí kl. 20 – Orgelstykki: Douglas Brotchie

6. júlí kl. 16 – Orgelstykki: Lára Bryndís Eggertsdóttir

Þór Breiðfjörð og Valgerður Guðnadóttir koma sjóðheit úr verðlaunasöngleiknum Vesalingunum og verða með hressa og kröftuga söngleikjadagskrá fyrir unga sem aldna í Stykkishólmskirkju fimmtudaginn 16. ágúst n.k. kl. 20:30. Bæði verða flutt nokkur af stórsönglögum söngleikjanna (Vesalingarnir, Óperudraugurinn) ásamt því að slegið verður á létta strengi og meðal annars flutt ýmis lög úr Disney-kvikmyndum eins og Alladín, Litlu hafmeyjunni, Skógarlífi, Gosa, Konungi ljónanna, Söngvaseiði og fleiru. Fullkomin skemmtun fyrir söngelsku fjölskylduna.

Þór sem á ættir sínar að rekja í Stykkishólm vann Grímuna í sumar fyrir að syngja aðalhlutverkið í söngleiknum Vesalingunum, sem sló öll aðsóknarmet síðastliðinn vetur. Valgerður á að baki farsælan feril bæði sem söng- og leikkona, vann meðal annars Grímuna fyrir söng sinn í söngleiknum Söngvaseið. Einnig er hún þekkt sem hin íslenska rödd margra Disney-persóna.

Aðgangseyrir kr. 2.000 / Frítt fyrir börn yngri en 16 ára.

Jón Bjarnason dómorganisti í Skálholti leikur á Klaisorgelið í kvöld, 10. júlí kl. 20

Hilmar Örn Agnarsson leikur á orgelið á fimmtudag kl. 20 með honum í för eru Björg Þórhallsdóttir sópran og Elísabet Waage hörpuleikari.

Aðgangseyrir á tónleikana er kr. 1000
Listvinir frá frítt á tónleikana í kvöld, 10. júlí

Helga Þórdís Guðmundsdóttir flytur orgelstykki eftir Mendelsohn, Barber og Bach á stuttum orgeltónleikum í Stykkishólmskirkju sunnudaginn 1. júlí kl. 17

Felix Mendelsson                     Sonata Op. 64 nr 4 í B-dúr

                                              – II. Kafli: Andante religioso

Samuel Barber                         Wondrous love  op.34  

                                               Variatios on a shape note hymn

Johann Sebastian Bach             Prelúdía og fúga í Es-dúr BWV552

Helga Þórdís ólst upp á Raufarhöfn og hóf þar tónlistarnám sitt.  Hún útskrifaðist frá Tónlistarskólanum í Reykjavík vorið 1993 með píanókennarapróf  og burtfararpróf í píanóleik  með Halldór Haraldsson sem kennara og stundaði síðar postgraduadenám (Master)í pínóleik við Escuela Luthier  d´arts Musicales í Barcelona veturinn 2004-2005.                                                                                                    Helga stundaði orgelnám hjá Herði Áskelssyni veturinn 1993-1994.  Í byrjun árs 2007 hóf hún svo aftur nám við Tónskóla Þjóðkirkjunnar og lauk þaðanKirkju organistaprófi vorið 2008 og framhaldsprófi í orgelleik vorið 2009 með Guðmund Sigurðsson sem kennara . Hún lauk síðan Kantorsprófi 2010 og einleiksáfanga og burtfararprófi vorið 2011 með Björn Steinar Sólbergsson sem kennara.  Síðast liðinn  vetur hefur Helga sótt einkatíma í orgelleik hjá Herði Áskelssyni.   Helga lauk líka 7. Stigsprófi í einsöng árið 2000 og sótti síðar einkatíma  hjá Isabel Aragón í Barcelona veturinn 2004-2005 og hjá Jóni Þorsteinssyni og Laufey Helgu Geirsdóttur frá 2007-2010.                                                                                                                                                Helga kenndi á píanó við Tónskóla Eddu Borg frá 1990-1998 og  við Tónskóla Grundarfjarðar 1998-2000.  Hún var skólastjóri Tónlistarskóla Tálknafjarðar 2000-2004 og píanókennari við Tónlistarskóla Árbæjar frá 2005-2010. Hún gaf út námsefnið Tónleikur (verkefnahefti fyrir byrjendur í tónlistarnámi) haustið 2009.                                                                                                                                                    Helga hefur stjórnað fjölmörgum kórum víðsvegar um land og vinnur nú að uppbyggingu tónlistarlífs  við Ástjarnarkirkju í Hafnarfirði, þar sem hún hefur starfað sem organisti kirkjunnar frá árinu 2007.

Aðgangseyrir á tónleikana kr. 1000 Félagar í Listvinafélagi Stykkishólmskirkju fá frítt á þessa tónleika.  Gerast félagi í Listvinafélagi Stykkishólmskirkju

Hörður Áskelsson organisti Hallgrímskirkju og Inga Rós Ingólfsdóttir, sellóleikari við Sinfóníuhljómsveit Íslands leika á fyrstu tónleikum Sumartónleikum Stykkishólmskirkju 2012. Hörður á 30 ára starfsafmæli við Hallgrímskirkju í ár og eru Listvinafélag H

allgrímskirkju, Kirkjulistahátið, Alþjóðlegt orgelsumar, Klais orgelið, Mótettukór Hallgrímskirkju og Schola cantorum afrakstur listrænnar stjórnunar hans frá árinu 1982, þegar hann var ráðinn sem organisti og kórstjóri Hallgrímskirkju. Þau hjónin hafa verið mikilvirk í íslensku tónlistarlífi og komið fram á tónleikum og tónlistarhátíðum viða um heim og hefur Hörður haldið orgeltónleika í mörgum helstu kirkjum Evrópu, m.a. í tvígang í Kölnardómkirkju fyrir 3000 áheyrendur. Þau hafa leikið saman á fjölmörgum tónleikum hér heima og erlendis, nú síðast í Bandaríkjunum í maí 2012. Þau munu leika vel þekktar perlur eftir Saint-Saëns og Rachmaninoff auk verka eftir Höller, Jón Leifs, Jón Hlöðver Áskelsson og Kjell Mörk Karlsen.

Tónlei

karnir hefjast kl. 20 Aðgangseyrir 1000 kr.